क्यानडाका चर्चित बलर कलिम सनाले आसन्न एनपीएलमा चितवन राइनोजको जर्सी लगाउने

२८ भदौ । क्यानडाका पेस बलर कलिम सनाले चितवन राइनोजबाट नेपाल प्रिमियर लिग (एनपीएल) को तेस्रो संस्करण खेल्ने भएका छन् ।

चितवनले सामाजिक सञ्जालमार्फत सनालाई अनुबन्ध गरेको जानकारी दिएको हो । सना क्यानडा क्रिकेट टिमका मुख्य पेस बलर हुन् ।

सनाले क्यानडाका लागि टी-२०आईमा ४५ खेल खेल्दा ६५ विकेट लिएका छन् । ओडीआईमा ३३ खेलमा ५१ विकेट लिएका छन् ।

समग्र टी-२० मा सनाले ४९ खेलमा ६९ विकेट लिएका छन् । उनले ग्लोबल टी-२० लिग क्यानडा, पाकिस्तान सुपर लिग, आईएल टी-२० जस्ता फ्रेन्चाइज लिग खेलेका छन् ।

चितवनले यसभन्दा अघिल्लो चरणमा इंग्ल्यान्डका रवि बोपारालाई एकपछि अर्को गरी तेस्रो सिजन अनुबन्ध गर्दा जिम्बाबेका स्टार अलराउन्डर सिकन्दर राजालाई तेस्रो सिजनका लागि अनुबन्ध गरिसकेको छ ।

यसभन्दा अघिल्लो चरणमा दुई सिजन खेलेका सोहेल तनविर भने यसपटक प्रशिक्षकका रूपमा छन् ।