चालु खर्च कटौती र चुस्त प्रशासनका लागि ३१ वटा सरकारी संस्था खारेज, १८ वटा निकायको पुनर्संरचना गरिने

सरकारले ३१ निकाय खारेज गर्ने भएको छ । अर्थमन्त्री डा. स्वर्णिम वाग्लेले शुक्रबार वार्षिक आयव्यय विवरण भाषणमार्फत सरकारी संरचना चुस्त बनाउन उक्त फैसला लिइएको बताएका हुन् ।

‘सरकारी संरचना चुस्त बन्नेछ । दरबन्दी कमी गरिनेछ,’ अर्थमन्त्री वाग्लेले भने, ‘३१ निकाय खारेज हुनेछ, १८ निकायको पुनर्संरचना हुनेछ ।’

अनावश्यक संरचना र निकाय खारेजबाट २० अर्ब बचत हुने अर्थमन्त्री वाग्लेको अनुमान छ ।