गुल्मीको मुसिकोटस्थित छल्दी खोलामा पौडी खेल्ने क्रममा डुबेर ११ वर्षीय बालकको ज्यान गयो

गुल्मीको मुसिकोट नगरपालिका–३ टेगाका ११ वर्षीय बालकको खोलामा डुबेर मृत्यु भएको छ।

मुसिकोट नगरपालिका–३ पेगा निवासी विक्रम गन्धर्वका छोरा लुकबहादुर गन्धर्वको लसाहस्थित छल्दी खोलामा पौडी खेल्ने क्रममा डुबेर मृत्यु भएको सुरक्षा संयन्त्रले जनाएको छ।

घटनाबारे जानकारी प्राप्त हुनासाथ अस्थायी सुरक्षाकर्मी पोष्ट ठुलापोखराबाट सुरक्षाकर्मी सहायक हवल्दार धनबहादुर चौधरीको कमाण्डमा टोली खटिई घटनास्थल सुरक्षित गरेको थियो। घटनाबारे थप गहन तहकिकात भइरहेको सुरक्षा संयन्त्रले सार्वजनिक गरेको छ ।