काभ्रेको तामाघाट बजारमा स्कुटर अनियन्त्रित भई दुर्घटना, चालकको मृत्यु र पैदलयात्रु घाइते

२९ साउन । काभ्रेको पाँचखाल नगरपालिका–४ तामाघाट बजारमा पैदलयात्रीलाई ठक्कर दिएर स्कुटरसमेत पल्टिँदा चालकको मृत्यु भएको छ । पैदलयात्री भने चोटपटक व्यहोरेका छन् ।

मृत्यु हुनेमा काठमाडौंको थली बस्ने ४० वर्षीय रवि सिम्खडा रहेका छन् । गम्भीर घाइते भएका उनको उपचारको क्रममा धुलिखेल अस्पतालमा मृत्यु भएको जिल्ला सुरक्षाकर्मी कार्यालय काभ्रेले सार्वजनिक गरेको छ ।

दोलालघाटबाट धुलिखेलतर्फ आइरहेको बागमती प्रदेश ०१–०१६ प ७३१८ नम्बरको स्कुटरले हिजो बेलुका सवा ७ बजे पैदलयात्रीलाई ठक्कर दिएर राजमार्ग डिभाइडरमा ठोक्किएको थियो ।

स्कुटरको ठक्करबाट घाइते भएका पैदलयात्री काभ्रेको पाँचखाल नगरपालिका–४ बस्ने ५५ वर्षीय साइँला दनुवारको धुलिखेल अस्पतालमा स्वास्थ्य लाभ भइरहेको छ ।