चलचित्र ‘गौंथली’ बाट निर्देशक डा. कपिल रिजालले जिते प्रतिष्ठित अन्तर्राष्ट्रिय अवार्ड

नेपाली फिल्म ‘गौथली’ का निर्देशक डा. कपिल रिजालले अन्तर्राष्ट्रिय फिल्म अवार्ड प्राप्त गरेका छन् । फ्रान्सको रेड मुभी अवार्ड्स २०२६ को अटुमन एडिसनमा उनी पुरुषतर्फ ‘बेस्ट डाइरेक्टर’ विधामा विजेता बनेका हुन् ।

रेड मुभी अवार्ड्सको आधिकारिक वेबसाइटमा प्रकाशित विजेता सूचीअनुसार डा. रिजालले फिल्म ‘गौथली’ का लागि उक्त अवार्ड प्राप्त गरेको देख्न सकिन्छ ।

यस सफलतापछि डा. रिजाललाई परिवारका सदस्य, शुभचिन्तक तथा फिल्मप्रेमीहरूले बधाई तथा शुभकामना दिएका छन् । ‘गौथली’ का लागि प्राप्त यो अवार्डले निर्देशक रिजालको सिर्जनात्मक कामलाई अन्तर्राष्ट्रिय मञ्चमा परिचित गराएको छ ।